Inhlanganiso ebona ngezempilakahle emhlabeni jikelele eye World Health Organisation ithi inani labantu asebebulewe ngumkhuhlane weCholera lokhu waqalisayo selizinkulungwane phose eyodwa lamakhulu athoba munwe munye-1 778 kwathi asebethathele igcikwane bazinkulunwane ezingamatshumi amathathu lasithupha-36 000, njalo izolo kusiwe amakhulu edlula kancane ayisikhombisa-709 esibhedlela behlaselwe yicholera.
Kusenjalo, isiphathamandla se Combined Harare Residents Association , i CHRA, uNnu. Mmeli Dube, utshele uSithandekile Mhlanga we studio 7 ukuthi inhlanganiso yakhe ibhoda-bhode emalokitshin e Harare yafumana ukuthi umumo lokhu umubi, okungabangela ukuthi umkhuhlane lo uqhubeke umemetheka.
Umlaleli we studio 7 ozibiza ngokuthi ngu Dumisani, Laye utshele uSithandekile Mhlanga we studio 7 ngokwenzakala kulindawo ngomkhuhlane we cholera, kwathi Umnu. Ambrose Sibindi we Progressive Bulawayo Residents Association laye wasitshela ngomumo walumkhuhlane ko Bulawayo.
