Ingcwethi kwezempilakahle zithi kuzakuba nzima ukuthi odokotela labongi asebaphuma elizweni babuyele nxa kungalungisiswanga okwabasusayo.
Omunye wabodokotela laba uDr. Samukeliso
Dube uthi okwenyanga ezithize kulenkuthazo evela kugatsha lwezempilakahle
eZimbabwe ukuthi abaphuma elizweni baphindele ekhaya bezosebenza khona.
Lokhu kwenzakala ngasikhathi
sinye ugatsha lwezempilakahle lusenza imizamo yokuthi odokotela labongi
abakhalala imisebenzi baphindele emisebenzini ukuzolwisana lomkhuhlane
wecholera oqhubeka umemetheka.
Abakhalale imisebenzi laba bathi
bafuna ukwengezelelwa iholo njalo baholiwe ngemali yakwele Melika. Bathi bafuna iholo eliphakathi kwe US$2, 600 le US$4, 000 kodwa uhulumende uthi angenelisa ukubaholisa imali engange US$50, 00 kusiya ku $850, 00.
UBrenda Moyo WeStudio 7 ukhulume loDr. Samukeliso Dube othi ukuthi odokotela baphindele emisebenzini kumele kuqale kulungisiswe ezombusazwe.
