Umnotho welizwe uqhubeka ubhidlika mihla ngemihla okuvezwa sobala yikusetshenziswa kwemali yakwamanye amazwe elizweni osokuphose kutshabalalise idollar leZimbabwe. Izinto ezinengi sezithengiswa ngemali yeMelika, iRand leSouth Africa le Pula leBotswana, osokusenza imipilo yalabo abangafinyeleli imali yangaphande le ibenzima.
Laloba imali yeZimbabwe ingasasetshenziswa kangako ibhanga elikhulu lelizwe liqhubeka lidhinda imali eziphezulu. IStudio 7 izwe ihungahunga lokuthi kusasa kukhanya kuzakwethulwa imali entsha eye 10 trillion dollars njalo kuzalandela i 20 le50 trillion dollars kusikhatshana esilandelayo.
Ubrenda Moyo WeStudio 7 ukhulumume loMnumzana Clemence Sibanda ingcwethi kwezenotho ukuze sizwe ukuthi kanti phoke njengoba ezitolo sokusebenza imali yakwamanye amazwe eyeZimbabwe isisebenza ngaphi.
