Inhlanganiso ebona ngezempilakahle emhlabeni jikelele, i World Health Organisation, (WHO) yethula umbiko othi umkhuhlane we cholera usubulele abantu abafika phose inkulungwane ezimbili ezilamakhulu ayisitshiyangalombili, (2 755) lokhu waqalisayo ngoNcwabakazi odluleyo, njalo sowahlasela abafika phose inkulungwane ezingamatshumi amahlanu (48 623).
IWHO ithi indawo ezilenani elikhulu lalumkhuhlane yi Harare, Shamva, Mbire, Mt. Darwin, Ruwa, Kadoma, Hurungwe, Chivi, Gokwe North le Gokwe South.
Umkhokheli welinye lamacele e MDC uMnu. Morgan Tsvangirai lamhlanje udalele indawo elatshelwa abantu abahlaselwe ngumkhuhlane wesihudo i cholera eye Budiriro Polyclinic e Harare ngenjongo yokuzibonela umumo wezinto ngawakhe. Inthathelizindaba yethu u Mark Peter Nthambe usethulela loludaba.
Kusenjalo, uNkosikazi Sipho Dube, ohlala e Beitbridge, enye yezindawo ezihlaselwe kabanzi yiicholera, utshele uSithandekile Mhlanga we studio 7 ukuthi wasila kulumkhuhlane ngoba wala ukubuyiselwa ekhaya ngabongi, ama drips esephelile esibhedlela, kwaze kwafika abenhlanganiso ezizimeleyo bamelapha.
