Ingcwethi ezicubungula ezombusazwe zithi umhlangano weSadc ungehluleka ukuthola isisombululo kudaba lweZimbabwe ngoMvulo umanyano lo kumele ugeze izandla utshele umhlaba ukuthi suyehlulekile.
Ngalokhu, zithi inhlanganiso ezifana labo United Nations (UN) kanye labo African Union (AU) kuzamele zingenele zibone ukuthi udaba lweZimbabwe lungalungisiswa njani.
Umkhokheli welinye lamacele eMDC uMnu Morgan Tsvangirai ubikwa azise inkokheli yenhlanganiso ezizimeleyo izolo ukuthi umhlangano wangoMvulo lo ungehlula ibandla lakhe lizaphuma lezibopho zokuthi liqhubeke njani.
Abalolwazi ngokwenzakalayo bathi uMnu Tsvangirai ulakho ukungena kuhulumende womanyano lo ngoMvulo laloba izikhalazo zakhe zonke zingakalungisiswa, elethemba lokuthi uMongameli Robert Mugabe uzazilungisisa uhulumende lo engabunjwa.
Kodwa ingcwethi ecubungula ezombusazwe uMnu Gorden Moyo uthi iSadc ingehluleka ngoMvulo, kuzamele ihle itshiyane lodaba lweZimbabwe, luphathwe ngoAfrican Union labo United Nations.
