Izulu liqhubeka lisina okulingenenyo endaweni phose zonke elizweni okupha ithemba uzulu ukuthi lanxa abantu bengalimanga ngemfanelo kulandela ukusilela kwenhlanyelo lemvundioso indlala izabe ingcono lumyaka. Lelithemba liza njalo ngemva kokubana sekuvunyelwane ukuthi kuzabunjwa uhulumende womanyno okhangelelwe ukuletha inguquko kwezomnotho welizwe.
UChris Gande weStudio 7 uxoxe losomabhizimusi wakoBulawayo UMnu. Alex Goosen othi emadolobheni indlala ilokhu iqhubekela phambili lanxa intengo yezinto ezinye isiqalisile ukwehla.
Kunjlo nje, izakhamizi zemaphandleni zihlaba umkhosi ngendlala esibhahe okwesabekayo ngenxa ngokwehluleka ukuthenga ngemali yamanye amazwe yona eyiyo esifunwa yibo bonke abantu abathengisa into ezimqoka ngemva kokuba uhulumende esevumile ukuthi idola lakuleli kaliselancedo. UMasautso Banda uyasipha loludaba...
