Inhlanganiso ebona ngezempilakahle emhlabeni jikelele eye World Health Organisation ithi umkhuhlane we cholera lamuhla uhlasele kakhulu endaweni ezigoqela i Kadoma, iMberengwa kanye le Mutare.
Ibika njalo ukuthi inani lasebebulewe yilumkhuhlane selisedlula inkulungwane ezintathu 3 323. UMnu. Dumisani Siziba, isakhamuzi se Beitbridge, enye yendawo ehlaselwe ngumkhuhlane lo, utshele uSithandekile Mhlanga we studio 7 ukuthi icholera ilakho ukuqhubeka imemetheka kulelidolobho ngoba amanzi esilela njalo inengi lezambuzi sezavalwa ngoba zingasebenzi.
