amalinks wokungena

Breaking News

Amatitshala Athi Kawasoze Abuyele Emsebenzini Lanxa Esethuselwa Nguhulumende


Lamuhla bekulilanga lapho uhulumende abesithi nxa ababalisi bengaphindelanga emsebenzini bazaxotshwa. Kodwa wona amatitshala athi kawasoze aphindele emsebenzini nxa engaphiwanga iholo lawo ngemali yakwamanye amazwe. Lokhu kwenzakala kukhangelelwe ukusungulwa kukahulumende womanyano ensukwini ezilutshwana ezilandelayo.

Ugatsha lwezemfundo luzaphiwa icele leMDC elikhokhelwa nguMnu. Arthur Mutambara. Abazi ngokwenzakalayo bathi okhangelelwe ukuba ngumphathintambo walolugatsha nguMnu. David Coltart ongusenator womuzi we Khumalo koBulawayo. Isiphathamandla sikahulumende osaphethe intambo, uMnu. Stephen Mahere ngolwesine olwedluleyo uphe isinqumo sokuthi ababalisi kumele baphindele emsebenzini lamuhla ngoba sebethenjiswe ukwengezelelwa iholo.

Kodwa wona amatitshala athi afuna iholo libe ngedola akwelemelika edlula kancane inkulungwane ezimbili. Unobhala jikelele wenhlanganiso ye zimbabwe teachers’ association, uMnu. Sifiso Ndlovu utshele uChris Gande weStudio 7 ukuthi amazwi kahulumende ngawokwethusela nje kuphela.

Ezinye izindaba zeStudio7 …

XS
SM
MD
LG