Inhlanganiso ebona ngezempilakahle emhlabeni jikelele eye World Health Organisation-WHO, ithi inani labantu asebebulewe ngumkhuhlane we cholera seliqonge ledlula inkulungwane ezintathu 3 688 njalo elabahlaselwa yilumkhuhlane ledlula inkulungwane ezingamatshumi ayisikhombisa 77 650 lokhu umkhuhlane lo waqalisayo ngoNcwabakazi nyakenye.
I-W-H-O ithi umkhuhlane lo usubhahe kakhulu e Chiredzi, Buhera, Hurungwe, Kadoma le Gokwe North.
Isiphathamandla se Combined Harare Residents Associaion , iCHRA, uNkosikazi Beatrice Ngwenya utshele uSithandekile Mhlanga we studio 7 ukuthi umkhuhlane lo awusoze uphongu phela nje kungalungiswanga udaba lwamanzi lokuhlanzeka kulelidolobho.
Kusenjalo, uhulumende we Zimbabwe osanda kubunjwa usekhuthazwe ukuthi esule yonke imigoqo ephazamisa ukusebenza kwenhlanganiso ezipha uncedo eZimbabwe. Linkuthazo yenziwe yinhlanganiso ye Medicins Sans Frontieres eJohannesburg ngesikhathi isethula umbiko phezu kwengxabangxoza esezibangelwe zinhlupho zeZimbabwe. UBenedict Nhlapho usipha loludaba eseJohannesburg kwele South Africa.
