UBennet uthoniswe ngumantshi uMnu. Livingstone Chipadze esetheswa icala lokuthi watholakala elezikhali zempi njalo efuna ukuphuma elizweni okungekho emthweni. Kodwa amagqwetha kaBennet ekhokelwa nguMnu. Trust Maanda alandule lelicala esithi akulabufakazi. UMaanda ulandule ukuthi incwadi ye e-mail ethulwe emthethwandaba ilotshelwe umnu. Michael peter hitchman kumele babhombe umtshina wemicrowave link ibi vele kubennet.
Umtshutshisi uMnu. Tawanda Zvekare utshele umthethwandaba ukuthi uBennet nguye ophe uhitchman imali yokuthenga izikhali atholakale elazo. Kodwa amagqwetha kaBennet athe leli kalisiloqiniso ngoba yena uHitchman etholakale engela cala njalo bekumele abizwe azofakaza.
Kodwa uMantshi uthe vele uHitschman akumelanga angeniswe kudaba lolu. Umtshutshisi uthe njalo uBennet ubotshelwe egcekeni lendizamtshina ele Charles Prince efuna ukusuka elizweni engazisanga iziphathamandla ze immigration kodwa lokhu kulandulwe ngamagqwetha akhe ahle aveza incwadi ze immigration ezisetshenzisweyo.
Intathelizindaba yeStudio 7 uLoirdharm Moyo obesemthethwandaba lo uthi uBennet obegqoke impahla zezibotshwa ubekhanya ekhululekile ebobotheka kancane. Amagqwetha akhe atshele umthethwandaba ukuthi ubephethwe kaluklubhu engavunyelwa ukubonana labo kumbe izihlobo labangane.
Umsekeli wenhloko kahulumende, uNkosazana Thokozani Khuphe laye ubekhona emthethwandaba lapho kade kugcwele khona abantu okwesabekayo. Ingcwethi kwezombusazwe umnu. Rejoice Ngwenya uxoxe lo uChris Gande weStudio 7 uthi sekunzima ukuthi uBennet akhululwe ngoba kusasa kungahlupha ezomthethwandaba.
