Inhlanganiso ephathisa ngokudla emhlabeni jikelele eye World Food Programme ithi inani labantu abafuna ukuphathiswa ngokudla elizweni lokhe liqonga. I WFP ithi okwakhathesi iphathisa abantu abaphose bafike ku 7million ngokudla.
UBrenda Moyo weStudio 7 ukhulume lengcwethi kwezokulima uMnumzana Renson Gasela, ongumsekeli wesikhulumi secele le MDC elikhokhelwa nguMnumzana Arthur Mutambara, ochasisa izizatho zokuqonga kwenani labantu abafuna uncedo lokudla ngalesisikhathi somnyaka.
