amalinks wokungena

Breaking News

Okwenziwe nguMugabe Yikuseyisa Sibili: Tsvangirai


Inhloko kahulumende uMnu Morgan Tsvangirai lomsekeli wakhe uMnu Arthur Mutambara sebesole kakhulu uMongameli Robert Mugabe lamuhla besithi uqhubeka esephula isivumelwano sokubunjwa kuka hulumende womanyano.

Lokhu kulandela ukukhethwa kwabonobhala babaphathintambo abangamatshumi amathathu lambili abavela kuZanu PF ngolweSibili nguMugabe engazange akhulumisane labanye bakhe phansi kukahulumende womanyano, uMutambara loTsvangirai.

Ekhuluma emhlanganweni lentathelizindaba ngolweSithathu uMnu Tsvangirai usole kakhulu inyathelo likaMugabe esithi abakhethileyo laba kabamelanga beqalise umsebenzi ngoba bengakhethwanga ngemfanelo.

Abazi ngokwenzakalayo bathi kulokufuthelana okubi phakathi kuka hulumende womanyano lo ngoba abeZanu PF bezenzela santando njalo besenza izinqumo bengakhulumisani labe MDC.

Ingcwethi ecubungula ezombusazwe, uMnu George Mkhwanazi laye usole kakhulu ukukhethwa kwabomabhalane nguMugabe esithi kuveza ukuthi kazimiselanga kuhulumende womanyano.

Ezinye indaba zeStudio 7...


‚Äč
XS
SM
MD
LG