amalinks wokungena

Breaking News

Seze Wakhululwa UNkosazana Jestina Mukoko


Umkhokheli wenhlanganiso yeZimbabwe Peace Project uNkosazana Jestina Mukoko useze wakhululwa entilongweni ngemva kokuvalelwa okwenyanga ezintathu esetheswa icala lokuzama ukugenqula uhulumende kaMongameli Robert Mugabe.

UNkosazana Mukoko uthole inkululeko yakhe ngoMvulo ngemva kokuhlawuliswa imali yesibambiso, i bail engange US$600 ngumthethwandaba kamantshi eHarare.

Ukubotshwa kukaMukoko labasekeli bebandla leMDC, abanye babo abakhululwe ngolweSihlanu kuphose kwamisa ukubunjwa kukahulumende womanyano ngoba oseyinhloko kahulumende, uMnu Morgan Tsvangirai wayethe nxa bengakhululwanga kasoze angene kuhulumende lo.

Kodwa okwamanje uMukoko ubikwa elokhu esesibhedlela seAvenues lapho alaliswe khona eselatshwa amanxeba okutshaywa lokuhlukuluzwa ngabamthumbayo. Sixoxe lentathelizindaba yethu uThomas Chiripasi obesemthethwandaba, ochasisa okunengi ngaloludaba.

Ezinye indaba zeStudio 7...

Okuhambelana lalokhu

XS
SM
MD
LG