Inhlanganiso ye World Health Organisation , i WHO ithi inani labantu asebebulewe ngumkhuhlane we cholera lokhu waqalisayo ngoNcwabakazi nyakenye, seliqonge lafika phose inkulungwane ezine, 3 950 kwathi elalabo abahlaselwe ngumkhuhlane lo lafika ku 87 261.
Inhlanganiso le ithi umkhuhlane lo usubhahe kakhulu e Zvimba, Gokwe South le Kwekwe. USithandekile Mhlanga we studio 7 uxoxe lo Khansila Thamani Ncube ka ward 11 eMadlambuzi e Plumtree, okucele le MDC elikhokhelwa nguMnu. Arthur Mutambara yena othi umkhuhlane we cholera unganeno kulesisigaba.
