Umthethwandaba weSupreme Court uvumile ukunika ithuba kumagqwetha kahulumende ukuthi aphikise isinqumo esenziwe kuyonale iviki sokuthi uMnumzana Roy Bennet oweMDC ahlawule imali yesibambiso akhitshwe entolongweni. Umahluli u Paddington Garwe unqume ukuthi uBennet uzaqhubeka esentilongweni iSupreme court ize iphe isinqumo kuloludaba. Amagqwetha kahulumende ahle akhweza udaba lolu kudale leSupreme court.
Kodwa
ngolweSithathu uBennet uvunyelwe ukuhlawula inkulungwane ezimbili zamadollar eMelika-US$2000 yesibambiso. Ibandla leMDC elikhokhelwa
nguMnumzana Morgan Tsvangirai selisole abantu elithi abafuni ukuhlonipha
imithetho njalo befuna ukuthi uBennet aqhubeke esentolongweni. IMDC
uBennet kumele akhululwe masinyane.
UBrenda Moyo weStudio 7 ukhulume legqwetha elilwela ilungelo loluntu uNkosazana Annah Moyo, othi okwenzakalayo kudaba luka Bennet akuzwisiseki ngoba kungasela okwaziyo ukuthi kuyini sibili okwenzakalayo.
Kunjalo nje ingcwethi ecubungula ezombusazwe uMnumzana Mqondobanzi Magonya uthi uzulu weZimbabwe kalindele isinqumo somthethwandaba ngoba kungacina sekuphumela egcekeni ukuthi engxenye uBennet ulecala
