Uhulumende wele Australia usebe ngowakuqala ukwesula izijeziso zenotho ezafakelwa uhulumende weZimbabwe. IAustralia ithi izaphathisa eleZimbabwe ngezigidi ezilitshumi zamadola akulelozwe. Umphathintambo wezaphandle kwelizwe, uMnu. Stephen Smithi uthi babone kufanele ukuthi baphathise uhulumnende womanyano ukuze enelise ukulungisisa ezempilakahle, amanzi ahlanzekileyo njalo aphathise uzulu weZimbabwe.
Esikhathini esedluleyo uhulumende wele Australia ubephathisa eleZimbabwe ngoncedo lokudla lokunye okuphathelane lempilakahle hatshi intuthuko yelizwe. Kodwa uSmith uthi limali imele iphathise nje ingqubelaphambili yelizwe. Ingcwethi ecubungula ezombusazwe, uMnu. Bekithemba Mhlanga utshele uChris Gande weStudio 7 ukuthi inyathelo elithethwe yi australia lilakho ukukhuthaza manye amazwe ukuthi aphathise eleZimbabwe.
