amalinks wokungena

Breaking News

Umnu Roy Bennet Ukhululwe Namhla


Umgcinisikhwama webandla leMDC uMnumzana Roy Bennet uze wakhitshwa entilongweni namhla, ngemva kokuhlawuliswa imali yesibambiso- i bail engange $5000 United States dollars okunqunywe ngumthethwandaba wesupreme court izolo. UBbennet ubotshwe mhlaka 13 February njalo uhulumende ubelokhe ephikisa izinqumo zemithethwandaba zokuthi akhululwe. Wetheswa icala lokutholakala elezikhali ngenjongo yokufuna ukugenqula uhulumende kaMongameli Robert Mugabe.

Ukukhululwa kukaBennet kujabulise abasekeli beMDC elizweni jikelele, abanye babo akade bebuthene ngesikhathi ekhululwa.UBennet uhle wenza umhlangano lentathelizindaba eMutare lapho akhulume khona mayelana lempilo esentilongweni lesimo nje samajele lapho athi izibotshwa kaziphathwa kuhle njalo zibulawa yindlala. Ubonge ibandla leMDC ngosekelo elimuphe lona ngesikhathi esentilongweni.

UBrenda Moyo weStudio 7 ukhulume loMnumzana Gorden Moyo umphathintambo obona ngokwenzakala ehofisini yenhloko kahulumende uMnumzana Morgan Tsvangirai, othi okudanisayo yikuthi icala lika Bennet alikesulwa. UMoyo uthi ihofisi kaTsvangirai ilesifiso sokuthi uBennet aqale umsebenzi masinyane.

Ezinye Indaba ZeStudio7.....

Okuhambelana lalokhu

XS
SM
MD
LG