Uhulumende we Sweden lamuhla uphe eleZimbabwe uncedo lwemali engange US$10 million eyokuncedisa ilizwe kunhlelo ezigoqela ukupha uzulu amanzi ahlanzekileyo, ukuvuselela ezempilakahle kanye lokunye.
Lokhu kwenzakala ugatsha lwezempilakhale solubhidlika ngenxa yokuswelakala kwemali ngesikhathi umkhuhlane we cholera ulokhu uhlasela abantu elizweni.
Ihlekana lamazwe atshiyeneyo lenhlanganiso ezizimeleyo lokhu zincedisa elezimbabwe ekulwisaneni lomkhuhlane lo, wona osubulele abantu abedlula inkulungwane ezine elizweni jikelele, lokhu waqalisayo ngoNcwabakazi nyakenye.
Kusenjalo, unkosikazi beatrice ngwenya, isiphathamandla se combined harare residents association, utshele uSithandekile Mhlanga we studio 7 ukuthi ezinye inhlanganiso ezizimeleyo, ezigoqela i UNICEF lamuhla bezisipha imuli inye ngayinye emalokitshini eHarare, amabhakede okukha amanzi, isepa kanye lamaphilisi okuhlanza amanzi la ukuze bezivikele ekuthatheni igcikwane elibangela umkhuhlane we cholera.
