Umkhokheli webandla elibusayo kweleSouth Africa uMnu Jacob Zuma sesole kakhulu amazwe angentshonalanga ngokungafuni ukuphathisa eleZimbabwe ngoncedo lwemali yokuvuselela umnotho.
Embikweni awethule ngolweSihlanu uMnu Zuma uthi kusobala ukuthi amazwe la kathakazeleli ukuba khona kukaMongameli Mugabe kuhulumende womanyano yikho nje engafuni ukumphathisa.
Ele Melika ngelinye lamazwe athi kakazimiseli ukupha iZimbabwe uncedo lwemali ngoba uhulumende elokhu esephula ilungelo loluntu.
Ingcwethi ecubungula ezombusazwe uMnu Zenzo Nkomo uthi insolo kazuma kayilamsoco ngoba kusakunengi uhulumende amele ekulungisise ukuze esuthise amazwe athuthukileyo ukuthi amuphe isandla.
