Uhulumende uthi ufuna imali ephakathi kwe US$8, 5 billion le US$10 billion eyokuvuselela umnotho eminyakeni emithathi elandelayo. Lokhu kuphume emhlanganweni wenkokheli yeSadc oqhutshelwe kwele Swaziland ngoMvulo.
Uthi efunakala ngesiphangiphangi yi US$ 2 billion. ISadc ithi izakhulumisana lamazwe athuthukileyo ukuthi aphathise uhulumende weZimbabwe. UMongameli Mugabe lomphathintambo wezemali uMnu Tendai Biti yibo abakhokhele iqula leimbabwe kulumhlangano.
Ingcwethi ecubungula ezombusazwe uMnu George Mkhwanazi uthi imali efunwa yiZimbabwe le inengi kakhulu njalo kaboni amazwe eSadc esenelisa ukuyibuthanisa.
