Izikolo zivalwe izolo nje, inhlanganiso ebona ngamalungelo ababalisi, eye Progressive Teachers’ Union of Zimbabwe, i PTUZ ithi amalunga ayo awabuyeli emsebenzini izikolo zivulwa kunyanga ezayo ngoba umholo we us$100.
Inhlanganiso le ikhonona ngokunengi, okugoqela ukungamakwa kwamaphepha emhloliso ngesikhathi esifaneleyo, njalo yethesa inhlanganiso ye ZIMSEC umlandu ngalokhu.
Umphathintambo kahulumende obona ngezemfundo, uMnu. David Coltard, uhlezi ekhuthaza ababalisi ukuthi bebekezele uhulumende aze athole imali eneleyo ukuze abengezelele iholo.
UColtard yena utshele intathelizindaba lamuhla ko Bulawayo ukuthi uhulumende usadingisisa ukuthi yibaphi abazali abangenelisi ukubhadalela abantwababo imali yama school fees ukwenzela ukuthi abaxekele kulokhu.
USithandekile Mhlanga we studio 7 uxoxe lo Mnu. Enock Paradzai, isiphathamandla se PTUZ, ngodaba lwabo lokukhalala umsebenzi.
