Umfundisi webandla lenkonzo ye Central Methodist Church eJohannesburg, uBishop Paul Verryn, kudingeke ukuthi alindwe ngamapholisa ngolweSithathu ebusuku ngemva kokuba etshayelwe ucingo ngamadoda abesithi athengiwe ukuthi azombulala ngesizatho sokuqhubeka kwakhe egcina izinkulungwane zeziphepheli zeZimbabwe eTempelini lakhe.
Linsumansumane yendaba yenzeke ngezikhathi zokudla kwantambama ngolweSithathu. Kulamadoda azichaze ngokuthi bangababulali abaziwayo, abatshayele uBishop Paul Verryn ucingo besithi bathunywe ngosomabhizimusi abangcelane lempeli lakhe ukuthi bamsusele amanqe ngesenzo sakhe sokugcina amaZimbabwe eTempelini lakhe.
Lamadoda athembise ukumxolela nxa engawahlawula imali yesifumbathiso. Bamtshele njalo ukuthi bavele sebehlawulwe imali yesibambiso engange R30 000, baphiwa lovolovolo kanye lemota yokwenza lowomsebenzi.
