Iqembu lenguqu le Bantu Rovers linqobe okwakuqala selokhu kwaqala imidlalo yalonyaka eye Premier Soccer League.
I Bantu ibhuqe iqembu eliyilo eliphethe isicoco se PSL ele Monomotapa nge 4 ka 1 emdlalweni obusenkundleni yase magumeni i Babourfields ngolweSihlanu emini.
I Monomotapa yiyo eqale ukulitshayela emambuleni ngehlandla lakuqala kanti isihlokoze inyoka emlindini njengoba i Bantu ivuke eseganga ngehlandla lesibili yalitshayela emambuleni kwaze kwaba kane.
Abathole imiklomelo ye Bantu ngabathi u Graham Ncube yena ohlohle kabili, u Lincoln Siwela kanye lo Mkhululi Sibanda.
Limpumela itshiye i Bantu ilemiklomelo emine ngemva kwemidlalo efanayo ikanti lokhu yikudliwa okwesibili ngenani elethusayo ku Monomotapa yana eyabhuqwa nge 4 ka nya yi Hwange emavikini edlulayo.
