Inhlanganiso ye Media Monitoring Project of Zimbawe (MMPZ) ithi amaphephandaba kahulumende lokhu esekela iziphathamandla zebandla le ZANU PF nxa esakaza indaba ezenzakala kuhulumende womanyano.
Isiphathamandla salinhlanganiso, uMnu. Dzikamayi Machingura uphe iStudio 7 umzekeliso wenkulumo kasibalukhulu we Reserve Bank, uMnu. Gedion Gono, ayenza ephalamende, lapho okunguye yedwa aphiwa isikhathi eside okumangalisayo ukuthi akhulume, njalo kungacubungulwa lakukhulumayo.
Kusenjalo, uMnu. Felix Magalela Mafa, omela i Magwegwe esale lephalamende engowecele le MDC elikhokhelwa nguMnumzana Morgan Tsvangirai, utshele uSithandekile Mhlanga we Studio 7 ukuthi imisakazo le iyazama ukusebenza kuhle kodwa ngakwelinye icele, lokhu isathatha uhlangothi.
