EleZimbabwe linanza uzibuse ngoMgqibelo njalo ibandla leMDC likhuthaza abasekeli balo ukuthi bahambe emkhosini ozakwenzelwa eHarare bayemanyana labasekeli beZanu PF.
Ngokwakuqala lokhu ukuthi ibandla leMDC liphatheke emikhosini yokunanza uzibuse. Ilanga likazibuse leli liza elizweni sokulo hulumende womanyano njalo kulokufuthelana okukhulu kuye ikakhulu phakathi kwecele leMDC elikhokhelwa nguMnu Morgan Tsvangirai leZanu PF.
Ukuhlaziya udaba lukazibuse lolu sixhume umkhokheli we Federal Democratic Union uMnu Paul Siwela loMnu George Mkhwanazi, umsekeli kamgcinisihlalo we NCA njalo eyingcwethi ecubungula ezombusazwe.
