Lanxa kungakapheli usuku olugcweleyo eleSouth Africa ligqibe ukhetho lokudinga umongameli lamalunga edale lephamende, oseluchazwe ngabanengi njengobelukhululekile, ikomishini yezokhetho isiyenelise ukwethula impumela phose edlula ingxenye yempumela yokhetho lonke.
Kulandela ukhetho lokudinga umongameli kanye labameli bedale lephalamende e South Africa ngolweSithathu, amavoti asabalwa akhomba ukuthi iqembu le African National Congress yilo elinqobayo njalo lomkhokheli walo uMnu. Jacob Zuma angaba ngumongameli.
Lanxa uMnu. Zuma elosekelo olunengi, abamsolayo bathi kungenzakala ukuthi umnotho welizwe le South Africa uwe ngoba engalabukhokheli obuqondileyo kukanti abanye bathi engaphatha ingxabangxoza eseZimbabwe ngendlela engcono kuloMnu. Thabo Mbeki owayengumongameli walelolizwe.
USithandekile Mhlanga we Studio 7 uxoxe lo Mnu. Zenzo Nkomo, ingcwethi ecubungula ezombusazwe njalo eyisizalwane se South Africa, endawonye lo Mnu. Kholisani Tshuma isizalwane seZimbabwe esihlala e South Africa ngaloludaba.
UMnu. Nkomo usungule lingoxo ngokuchasisa okwenzakalayo e South Africa mayelana lalolukhetho.