Idale le International Centre for Settlement of Investment disputes liphe isinqumo sokuba uhulumende weZimbabwe kumele abhadale abalimi abalitshumi lantathu imali efika us$21 million le kuyimbadalo yamapulazi abawathathelwayo. Idale leli elithetha amacala awamazwe womhlaba jikelele lise France liphe isinqumo lesi kuviki edluleyo ngoLwesithathu.
Imali le okuthiwa ibhadalwe
nguhulumende igoqela i interest kusukela kuthathwa la mapulazi ngomnyaka ka
2000. Kodwa uhulumende wezimbabwe yena uthi kasoze abhadale imali le ngoba
amapulazi la athathwa phansi kohlelo lokwaba kutsha umhlabathi.
Uhulumende uthi njalo yena uzahlawula imali eyasetshenziswa ngabalimi laba ukwakha into ezifana lamadamu, imgwaqo lezinye nje izakhawi hatshi umhlabathi lanxa abalimi laba bawuthenga. UChris Gande weStudio seven uxoxe lengcwethi kwezokulima umnu. Mandla Nkomo othi kaboni uhulumende esenelisa ukubhadala limali lanxa engaba elesifiso sokwenzanjalo.
