Izizalwane zeZimbabwe ezifuna ukwethekelela kwele South Africa sezivunyelwe ukungena kulelo lizwe zingela mavisa. Abaphathintambo bengatsha ezibona ngokungena kwabantu emazweni womabili balobelane isivumelwano lesi eJohannesburg esizakwenza lalabo abangela mapassport bavunyelwe ukungena kwele South Africa besebenzisa izithupha zabo.
Isivumelwano lesi sokusebenza ndawonye kwezokungena kwabantu emazweni la womabili esilotshelwane eMelrose Arch Hotel eJohannesburg, sinconywe ngabaphathintambo ababona ngokungena kwabantu emazweni womabilila njengenyathelo elisemqoka ekuqiniseni ubudlelwano beSouth Africa leZimbabwe.
Ngokutsho kwesivumelwano lesi, izizalwane zeZimbabwe sezivunyelwa ukungena kwele South Africa zingelamavisa. Kuhambo ngalunye umuntu uzavunyelwa ukuhlala kwele South Africa okwenyanga ezintathu.
Ezinye indaba ngesiNdebele...
