Ibandla le MDC selinike uMongameli Robert Mugabe lebandla lakhe insuku eziyisithupha ukuthi alungisise okusele kulenga ekubunjweni kukahulumende womanyano. IMDC ithi nxa kungalungisiswanga kusiya fika uMvulo ozayo izabiza umhlangano we National Council yawo owesiphangiphangi ozakwenziwa ngeSonto e Harare ukuze kuhluzisiswe ukuthi lelibandla liyaphuma na kuhulumende womanyano kumbe liyaqhubekela phambili.
Kunjalo nje, ingcwethi ecubungula ezombusazwe, uMnu. Bekithemba Mhlanga utshele uChris Gande weStudio 7 ukuthi mpela sekuyisikhathi sokubana ibandla leMDC lixexebuke kuhulumende womanyano ngoba lingekela lizaphetha selibhixwe edakeni yizenzo zeZanu PF.
