Imuli Elabantu Abayisithupha Isifuna I US$428 Yokuziphilisa Ngenyanga-CCZ

I inhlanganiso emela abathengi eye Consumer Council of Zimbabwe ithi inani lemali esisenela ukuphilisa imuli yabantu abayisithupha ngenyanga isiqonge isuka ku 396,22 U-S dollars yafika ku 427,11 U-S dollars. IConsumer council ithi okubangele ukuqonga kwemali le yikukhwela kwemali yokuhambisa, amarent, imbadalo yamanzi lamagetsi, intengo yempahla zokugqoka lokunye.

Iholo lezisebenzi zikahulumende yi 100 U-S dollars kuphela ngenyanga. Ukuze sizwe ukuthi phoke imuli ezinengi seziphula njani, uBrenda Moyo weStudio 7 ukhulume lesakhamuzi sako Bulawayo uMnumzana Jonah Nyoni.