Umongameli Robert Mugabe, inhloko kahulumende uMnu Morgan Tsvangirai lomsekeli wakhe uMnu Arthur Mutambara, babikwa bevumelene okunengi okuhluphayo kuhulumende womanyano, emhlanganweni wangoMvulo.
UMnu. Gorden Moyo umphathintambo obona ngokwenzaka ehofisini ye nhloko kahulumende, utshele iStudio 7 ukuthi okunengi kuzaqediswa kusasa, andubana kube lomhlangano lentathelizindaba woku chasisa ngokusemthethweni ukuthi kuyini okuphume kulumhlangano.
UMnu. Bekithemba Mhlanga, ingcwethi ecubungula ezombusazwe, utshele uSithandekile Mhlanga we studio 7 ukuthi inkulumo kaTsvangirai ngempelaviki eyokuthi usebenza kuhle loMugabe itshengisa sobala ukuthi kunengi obesekuvunyelenwe phambilini kwalumhlangano.
