Sokwedlule insuku phose ezilikhulu uhulumende womanyano phakathi kweZanu PF leMDC eqalise umsebenzi, kodwa ukudonselana phakathi kwamabandla la kuqhubekela phambili.
Inhloko kahulumende uMnu Morgan Tsvangirai uveze ngoLwesithathu ukuthi kulabantu kuZanu PF abadonsela muva ngoba bengafuni ukuthi uhulumende lo aphumelele.
Uthe njalo ukwephulwa kwelungelo loluntu kanye lokungahlonitshwa kwemithetho kwenza labo abalesifiso sokuphathisa ilizwe ngemali behlehlele muva.
Ngalokhu, uTsvangirai uthe ukuvuselela umnotho kuzakuba nzima. Wethule amazwi la esungula uhlelo lukahulumende lokuvuselela umnotho olwe 100 day plan.
Ukuze sihlaziye amazwi kaTsvangirai lokudonselana okwenzakala kuhulumende sixhume ingcwethi ezicubungula ezombusazwe uMnu George Mkhwanazi loMnu Brilliant Mhlanga.
