Loba nje impumela yemihloliso ye ‘A' level ephume ngeviki ephelileyo ikhangelelwe ukuthi iphe abantwana ithuba lokuqhubeka ngezifundo emakolitshini kahulumende awemfundo yaphezulu, abantwana kanye labazali bakhala ngokuthi lokhu kuzabanzima ngenxa yemali ehlawulwa emakolitshini la yona elokhu iphezulu loba ugatsha lwezemfundo yaphezulu lwathi imali le yehliswe.
Ukuphuma kwempumela yemihloliso ye ‘A' level kuze ngemva kwesikhathi eside ontanga abalobe imihloliso le behleli nje emakhaya ngoba impumela ilokhu ingaziwa.
Lokhu loba nje bona abantwana bengabantu ababekhangelele ukuthi batholile indawo kumakolitshi emfundo yaphezulu kuyindlela yokulungiselela ikusasa labo.
