Kuhambo lwakhe emazweni ase Europe leMelika ngeviki ezayo, inhloko kahulumende uMnu Morgan Tsvangirai ukhangelelwe ukukhulumisana lenkokheli yamazwe la ecela uncedo lwemali yokuphathisa ele Zimbabwe ukuvuselela inotho.
Inengi lamazwe la selikubeke sobala ukuthi lizanikeza i Zimbabwe uncedo lwemali nxa kungaba lenguquko esobala ikakhulu kwezokulondolozwa kwelungelo loluntu. UTsvangirai ubikwa ezasuka eZimbabwe ngempelaviki elubhekise e Europe.
Ukuhlaziya loludaba sixhume ingcwethi ecubungula ezombusazwe uMnu Mandlenkosi Gatsheni yena othi afiphele kakhulu amathuba okuthi uTsvangirai uzaluthola uncedo aludingayo ngoba inguquko amazwe athuthukileyo afuna ukuyibona isibakhona eZimbabwe, ingakabi khona.
