Ihlanganiso ye European Commission isithembise ukupha eleZimbabwe imali engange 8 Million Euros yokuphathisa abahluphekayo kwezempilakahle lokutholisa uzulu amanzi ahlanzekileyo. I European Commission ithi imali le izasetshenziswa ukulungisisa impompi zamanzi,ukuthenga imithi yokuhlambulula amanzi lezinye inhlelo eziphathelane lezamanzi elizweni.
Inhlanganiso le ithi imali le izanikwa inhlanganiso ezizimeleyo ezingaphansi kwe United Nations, iRed Cross le Red Crescent Societies. inhlanganiso le isiphathise ilizwe ngemali edlula i 572 Million Euros kusukela ngomnyaka ka 2002.
Sikhulume loMnumzana Peter Muchengeti umgcinisihlalo weNational Association of Non-Governmental organisations (NANGO) esigabeni se Midlands Province,ochasisa uncedo olufunakalayo elizweni.
