Inhlanganiso elwela amalungelo
ezifundi iZINASU ithi iphakathi kwemizamo yokuqoqa umhlangano omkhulu lenhloko
kahulumende uMnu. Morgan Tsvangirai kanye lomsekeli wakhe uMnu. Arthur Mutambara
bendawonye lomphathintambo kahulumende obona ngemfundo ephezulu uMnu. Stan Mudenge
bebonisane ngokuthi udubo olubhekane lamakolitshi emfundo ephezulu
lungalungiswa njani.
Amakolitshi agoqela i University of Zimbabwe awasebenzi ngemfanelo ngenxa yokuswelakala kwemali yokuholisa abaqeqetshi, ukuswelakala kokudla, amanzi, amabhuku lokunye okunengi okokusebenzisa.
uMnu. Mfundo Mlilo, isiphathamandla se ZINASU, utshele uSithandekile Mhlanga we studio 7 ukuthi ukudingisisa abakwenzileyo njenge nhlanganiso kuveza ukuthi akufundwa kunengi lamakolitshi la, yikho beqoqa lumhlangano.
