EleZimbabwe limanyana lamanye amazwe ezwekazi leAfrica, kusasa ekunanzeni ilanga lokulondolozwa kwelungelo labantwana baleli zwekazi, i Day of the African Child e Harare kusasa.
IIanga leli labekwa ngenjongo yokunanza ukubulawa kwamakhulu lamakhulu abantwana kwele South Africa mhlaka 16 ngoNhlangula ngomnyaka ka 1976, betshengisela besola ukufundiswa ulimi lwesi Afrikaans ezikolo zalelolizwe, besithi ngolokubancindezela.
Kukhangelelwe ukuba lemikhosi kusasa eqoqwe zinhlanganiso ezitshiyeneyo, kuthi ngoMgqibelo ozayo, abatsha bamabandla lenhlanganiso ezitshiyeneyo behlangane e Africa Unity Aquare, lapho okuzaba lenkulumo eziqondana lamalungelo abantwana.
UMnu. Mfundo Mlilo, isiphathamandla se ZINASU, enye yenhlanganiso eqoqa umkhosi wangoMgqibelo, utshele uSithandekile Mhlanga we studio 7 ngabayabe bekwenza kusukela kusasa.
