Izisebenzi zikahulumende seziphe uhulumende isikhathi
sokuthi engezelele iholo lazo, zisithi nxa lokhu kungenziwanga ekupheleni
kwayonale inyanga zizakhalala umsebenzi. Izisebenzi lezi zithi okwakhathesio zihola i $100 U-S Dollars njalo zitshele uhulumende ukuthi zifuna iholo lengezelelwe lifuke ku $600 U-S Dollars.
Kodwa umphathintambo obona ngezisebenzi
zikahulumende uMnumzana Eliphas Mukonoweshuro uncenge izisebenzi lezi ukuthi
zingakhalali umsebenzi, wazithembisa ukuthi uhulumende uphakathi kokukhangela
izikhalazo zazo.
UBrenda Moyo weStudio 7 ukhulume loMnumzana John Tagara umsekeli womkhokheli wenhlanganiso yePublic Service Association othi izisebenzi zikahulumende ziphila nzima yikho zifuna iholo lazo lengezelelwe.
