Ukuyangiswa kwenhloko kahulumende, uMnu. Morgan Tsvangirai yizizalwane zeZimbabwe ezikweleBhilitane ngoMqibelo sekudale imbuzo eminengi kuzizalwane zezimbabwe ezaphephela kulelolizwe. UTsvangirai uhozwe yizizalwane zeZimbabwe ebezibuthene esontweni yeSouthwark eLondon waze wehluleka ukwethula imbiko yakhe. Abanye kade bekulumhlangano bathi isehlakalo lesi sibangelwe ngelinye ihlekana labasekeli beMDC elaxotshwa kulelobandla.
Kodwa abanye ngabathi imbiko kaTsvangirai ethi abantu kabasuke emazweni baphindele ekhaya yiyo ecunule izizalwane zeZimbabwe ezikweleBhilitane. Umhleli wephepha le New Zimbabwe uMnu. Mduduzi Mathuthu obekhona kulumhlangano utshele uChris Gande weStudio 7 ukuthi imbiko katsvangirai isizadala ubunzima kuzizalwane zeZimbabwe ezidinga ubuphepheli kwelebhilitane.
