Unobhala jikelele wenhlanganiso ebona ngezamalungelo abantu emhlabeni eye Amnesty International, uNkosikazi Irene Khan, uthi inhlanganiso yakhe izahlolisisa udaba lokwephulwa kwamalungelo abantu elizweni okwenyanga ezintatu ezilandelayo-100 days.
Unkosikazi Khan ukhulume lamazwi emhlanganweni awenze lenhloko kahulumende uMnuzana Morgan Tsvangirai kweleBhilithane ngomvulo. UNkosikazi Khan osanda kwethekelela eleZimbabwe uthi wethuswe kakhulu yikuhlukuluzwa lokwethuselwa, kwabalwela ilungelo loluntu eZimbabwe abagoqela, abenhlanganiso ezizimeleyo,amagqwetha, intathelizindaba labanye.
UTsvangirai uthembise uNkosikazi Khan ukuthi uhulumende womanyano uzazama ukulungisisa ezamalungelo kazulu ngokuphangisa. UBrenda Moyo WeStudio 7 uhulume legqwetha elilwela ilungelo loluntu uNkosazana Annah Moyo ochasisa ukuthi i amnestyi International izasebenzisa ziphi indlela zokuhlola umumo oseZimbabwe.