Sekuqhamuke ukungezwani phakathi kwenhlanganiso ezizmeleyo phezu kohlelo lokulotshwa kutsha kwesisekelo sombuso. Lokhu kuvezwe emhlanganweni owenzwe ngumanyano walezinhlanganiso, iCrisis Colaition in Zimbabwe, lentathelizindaba eHarare.
Umgcinisihlalo womanyano lo, uMnu. Macdonald Lewanika
utshele intathelizindaba ukuthi mpela kulokwehlukana kwembono kudaba lokubana
uhlelo lolu lukhokhelwe ngamalunga edale lephalamende na kumbe hatshi.
Kodwa ulewanika uthe inhlanganiso ezizimeleyo zivumelana kudaba lunye lokuthi kungasetshenziswa ugwalo lweKariba draft elulotshwe libandla leZanu PF lamacele eMDC. Umanyano lo ukhengelelwe ukwenza umhlangano ngempelasonto.
Umgcinsihlalo wabasakhulayo kunhlanganiso ye NCA, uMnu. Alois Dzvairo utshele uChris Gande weStudio 7 ukuthi inhlanganiso ezizimeleyo ezingafuni ukuthi kusetshenziswe amalunga edale lephalamende kazisoze ziye emhlanganweni owe People's Convention.
Kunjalo nje, amalunga edale lephalamende lawo ehlukene imibono ngokuthi kube yibo na abaquba umsebenzi wokulotshwa kutsha kwesisekelo sombuso kumbe hatshi. Omela iBulilima edaleni lephalamende, uMnu. Edward Mkhosi utshele uChris Gande weStudio 7 ukuthi amalunga edale lephalamende azakhokhela nje kuphela loluhlelo yena uzulu azifakele imbono yakhe.