Selize lasungulwa okusemthethweni ibandla le Mavambo-Kusile-Dawn!
Lelibandla lisungulwe ngoLwesithathu eHarare ngumkhokheli walo uMnu Simba Makoni, yena oncintise kukhetho luka Mongameli ngomnyaka odluleyo wanqotshwa.
Ekhuluma ekusungulweni kwaleli bandla uMakoni uthe lijonge ukusebenzela uzulu. Usola njalo amabandla akuhulumende womanyano esithi ahlezi edonselana njalo nje phezu kwezinto ezingaqakathekanga empilweni kazulu.
Eqalisa ibandla lakhe nyakenye uMakoni ubesekelwa ngabantu abafana loMajor Mbudzi, uMnu Ibbo Mandaza loMnu Dumiso Dabengwa. Kodwa abathathu laba bebengekho emkhosini wangoLwesithathu.
Abathathu laba behlukane loMakoni bemethesa icala lokweba imali yebandla. UMnu Godfrey Chanetsa, oke waba yisikhulumeli sikaMongameli Mugabe loke waba ngumphathintambo obona ngezemfundo eminyakeni edluleyo uNkosikazi Fay Chung ngabanye beziphathamandla zaleli bandla.
Kodwa ingcwethi ecubungula ezombusazwe uMnu George Mkhwanazi uthi
ngamadlwane wodwa adlalwa nguMakoni.
