amalinks wokungena

Breaking News

UMongameli Mugabe Uthi Umeli WeMelika EAfrica Ulizanka


UMongameli Mugabe sechothoze umsekeli kanobhala obona ngobudlelwane beMelika lamazwe eAfrica uMnu Johnnie Carson esithi ulizanka.

Lokhu kulandela umhlangano obe khona phakathi kwababili laba ngeviki edluleyo kwele Libya bekhulumisana ngodaba lokusebenza kulahulumende womanyano.

Emazwini akhe aphume kuphephandaba leHerald ngoMvulo uMugabe uthe umhlangano wabo awuphumanga lalutho ngoba uCarson ubefuna ukumtshela ukuthi uhulumende kumele asebenze njani.

Wengeze wathi uCarson ngumuntu oliminamina, njalo uthi umtshelile emhlanganweni wabo ukuthi ulizanka.

Nyakenye, uMugabe uthethise obemela iMelika eAfrica, uNkosazana Jendayi Frazer esithi ufana lesifebe ngemva kokuba uFrazer echothoze uhulumende weZanu PF.

Inhloko kahulumende uMnu Morgan Tsvangirai uke wethekelela eMelika ngenyanga edluleyo ngenjongo yokuvuselela ubudlelwano phakathi kweMelika leZimbabwe.

Ingcwethi ecubungula ezombusazwe uMnu Immanuel Hlabangana uthi laloba uMugabe ephambanisa ngokuthuka, iMelika layo ilamaphutha kundlela ephatha ngayo eleZimbabwe.

Ezinye indaba zeStudio 7...

‚Äč
XS
SM
MD
LG