Inhlanganiso yabalimi, i Commercial Farmers' Union ithi ukubulawa komlimi omhlophe izolo edolobheni leGweru kukhanya kungelani lezombusazwe. UMnu. Bob Vaughan-Evans obengumqondisi we cfu uhlaselwe emzini wakhe elonkosikazi wakhe ngabantu abambalwa ngenduku lamahloka bagamula uVaughan-Evans ekhanda batshiya unkosikazi wakhe elimele okwesabekayo.
UNkosikaz wakhe u Jean uhamba ngewheel chair ngemva kokulimala ekuhlaselweni kwakhe okwenzakala ekuqaleni komnyaka. Lokhu kuhlasela besekungokwesithathu. Umkhokheli we CFU uMnu. Trevor Gifford, utshele iStudio 7 ukuthi lesi sihluku sikhanya senziwe yizigilamkhuba ezihlasela asebekhulile.
Omunye omhlophe owayengumlimi, uMnu. Alex Goosen, utshele uChris Gande weStudio 7 ukuthi mpela kukhanya ubugelekexe sebubhahile.
