UMongameli Robert Mugabe sethembise ukuthi uhulumende kasoze athathe wonke amapulazi abalimi abamhlophe.
Uthi labo abalahlekelwe ngamapulazi abo phansi kohlelo lokwabiwa kutsha komhlabathi kumele bahlawulwe nguhulumende weleBhilithani hatshi owakhe.
UMugabe wethule amazwi la emhlanganweni wokukhuthaza ukusungulwa kwamabhizimusi kweleZimbabwe oqale ngolweSine eHarare njalo ocina ngolweSihlanu.
Ukhuthaze njalo abamankampani akwamanye amazwe ukuthi baze ngobunengi babo ukuzesungula amabhizimusi eZimbabwe.
Incwethi ecubungula ezombusazwe uMnu George Mkhwanazi uthi kuyajabulisa ukuzwai uMugabe esithi uhulumende kasoze ethathe wonke amapulazi abamhlophe, kodwa uthi kaboni abamankampani akwamanye amazwe besiza ngobunengi ukuzevula amabhizimusi eZimbabwe.
