amalinks wokungena

Breaking News

Umpathintambo Wezenjiwayo Uthembisa Abamabhizimusi Ukuthi Uhulumende Akasoze Abathathele Mahlayana Amabhizimusi Abo


Umhlangano obujonge ukukhuthaza ukusungulwa kwamabhizimusi kweleZimbabwe oqale ngolweSine uphele ngolweSihlanu eHarare njalo abamabhizimusi akwamanye amazwe bakhuthaze uhulumende ukuthi alungisise konke okuhluphayo kwezombusazwe kuqala, yikho ukuthi baze ngobunengi ukuzevula amankampani eZimbabwe.

Umphathintambo wogatsha olubona ngezenjiwayo uMnumzana Obert Mpofu uthembise ukuthi uhulumende uzaguqula umthetho we Indegenisation act wona obamba abamankampani akwamanye amazwe ukuthi baphe uhulumende ingxenye yawo.

UNtungamili Nkomo uxhume intathelizindaba yeStudio 7 uThomas Chiripasi 7 ochasisa okukhulunye ngakho emhlanganweni namhla..

Kunjalo nje ingcwthi ecubungula ezombusazwe uMnumzana Mandlenkosi Gatsheni utshele uNtungamili Nkomo weStudio 7 ukuba akumangalisi ukuthi abamankampani akwamanye amazwe bathi bafuna uhulumende alungisise okuhluphayo kuqala kwezombusazwe, ngoba into zingamanga kuhle elizweni.

Abanye abapha imali yokuvusa amabhizimisi bathi bazimisele ukusa imali kweleZimbabwe nxa kungaba lenguquko ethize elizweni, egoqela ukukhitshwa kwemithetho yelizwe engabe ivimba abakwamanye amazwe ukuletha ibhizimisi elizweni ikakhulu kwezokwenjiwa.

UBrenda Moyo weStudio 7 ukhulume loMnumzana Ndaba Mpofu ingcwethi kwezenotho njalo esebenzela inkampani yakwele Botswana ephathisa abafisa ukuthuthukisa ezamabhizimisi ngemali, othi nxa sokuvuswa amankampani elizweni kuzafuneka abantu abalolwazi ukuze umnotho uthuthuke.

Ezinye Indaba ZeStudio7...

‚Äč
XS
SM
MD
LG