Ubudlwangu dlwangu obenzakele ngoMvulo emhlanganweni wokukhulumisana ngesisekelo sombuso bumangalise abanengi, abasele bezibuza ukuthi phoke abantu beZimbabwe bazakwenelisa na ukuwufeza lumsebenzi. Kusivumelwano sikahulumende womanyano kumele ilizwe libe selile sisekelo sombuso esitsha phakathi komnyaka lengxenye.
Laloba umhlangano wangoMvulo wehlule owangolweSibili kumele uqhubeke . Kodwa abenhlanganiso ezizimeleyo bakhala ngokuthi ezinye zalezi nhlanganiso ezifana le Combined Harare Residents Association, iTransparency International lezinye azinxuswanga kiwo.
UBrenda Moyo weStudio 7 ukhulume lengcwethi ecubungula ezombusazwe uMnumzana Samukele Hadebe othi okuqakathekileyo yikuthi uzulu weZimbabwe athole ithuba lokuphatheka ekulotshweni kwesisekelo sombuso welizwe.
