Umphathintambo obona ngezemali uMnumzana Tendai Biti ukhangelelwe ukwethula iziqondiso zemali imid term policy statement ekhangelelwe kakhulu ngabezamabhizimi ukuthi izaphendla indlela ecaciceyo ekuvuseni umnotho welizwe.
Oke wakhokhela inhlanganiso yezamabhizimisi iConfedaration of Zimbabwe Industries –CZI uMnumzana Calisto Jokonya uthi uhulumende kumele athengise amanye amankampani akhe, ama Parastatals, ukuze athole imali yokuvusa ilizwe kulokucela imali kwamanye amazwe.
UBrenda Moyo weStudio 7 ukhulume lomqondisi we CZI uMnumzana Clifford Sileya othi abamabhizimisi bakhangelele ukuthi uBiti ethule uhlelo oluzakwenza ukuthi amafekitali lama industry avuke, abantu bathole imisebenzi, kuthuthuke umnotho welizwe.
Laloba uMnumzana Sileya esithi amanye amafekitali elizweni asevuka kancane ingcwethi kwezenotho uMnumzana Clemence Sibanda uthi akhona amanye alokhu evalwa abantu belahlekelwa yimisebenzi.
