NgolweSihlanu kusungulwa umhlangano omkhulu wamalanga amabili eRainbow Towers eHarare, wokuhlaziya lokwabelana amacebo ngelakusasa leZimbabwe owe National Vision. Umhlangano lo uqoqwe yihofisi kamsekeli wenhloko kahulumende umnumzana arthur mutambara njalo uphela ngomGqibelo.
Kunxuswe abamabandla aphikisayo, agoqela i Mavambo Kusile ekhokhelwa nguMnumzana Simba Makoni, iZAPU ekhokhelwa nguMnumzana Dumiso Dabengwa, lamanye. Kwaphinda kwanxuswa abamabhizimisi, ingatsha zikahulumende,lenhlanganiso ezizimeleyo.
Umhlangano lo ukhangelelwe ukuphuma lezinqumo eziphathelane lokubuswa kuhle kwelizwe, lendlela zokuvuselela inotho okweminyaka emihlanu elandelayo.
Sikhulume lengcwethi ecubungula ezombusazwe uMnumzana Rejoice Ngwenya othi ngemva komhlangano lo, elizweni kumele kube lenguquko ethize hatshi ukuthi uphelele emazwini kuphela.
