Umphathintambo wezemali, uMnumzana Tendai Biti uthi umnotho welizwe uzaqhela ngesilinganiso esedlula okuthathu ekhulwini. UBiti utsho lokhu ngolweSine esethula uluhlu lokubuthaniswa kwemali kahulumende lendleko yakhe, i Mid-term Budget Review edaleni lephalamende.
Emizameni yakhe yokuthuthukisa umnotho welizwe uBiti wesule imithelo yezinto zokusebenzisa emafekitali ezithengwa kwamanye amazwe okugoqela lokudla okungena elizweni.
Ingcwethi zenotho ezinengi
zingcome uBiti ngemizamo yakhe yokuvuselela inotho yelizwe zisisthi uhulumende
womanyano engalandela lokhu ilizwe lingaba nganeno. Enye yalezingcwethi, uMnu.
Eric Bloch utshele iStudio 7 ukuthi umbiko ka Biti uyathembisa sibili ukususa
ilizwe ebunzimeni nxa uhulumende engazimisela.
Kodwa enye ingcwethi njalo elilunga leZapu eyavuselelwayo, uMnu. Paul Siwela uthi ukukhwezelwa kweholo lezisebenzi zikahulumende yikho okungadala inkinga ngoba ilizwe kalilamali.
